Էրդողանի ստացած նվերը երկրում մեծ դժգոհություն է առաջացրել

Թուրքիայում վարչապետ Ռեջեփ Թայիփ Էրդողանին նվիրել են հանքափորների հետ արված լուսանկար:

Ըստ Haberler-ի՝ լուսանկարը համացանցում հայտնվելուց անմիջապես հետո երկրում մեծ դժգոհություն է առաջացրել, քանի որ լուսանկարում հանքափորները եղել են մրոտ, իսկ Էրդողանը՝ մաքուր: Լուսանկարի տակ արվել են նաև մեկնաբանություններ, որոնցում բացահայտորեն նշել են, որ Էրդողանը արժանի չէ այդպիսի նվերի, հատկապես` այն բանից հետո, երբ ոստիկաններին խրախուսել է ուժ կիրառել Սոմայի դեպքի կապակցությամբ բողոքի դուրս եկածների դեմ:

Համացանցում են տեղադրել նաև 2008 թվականին Էրդողանի ստացած նույնատիպ նվերը, որում պատկերված է Վանի երկրաշարժի խորհրդանիշ դարձած երեխան: