Թուրքիայում հայ տնտեսագետին մրցանակի շնորհումը դժգոհություն է առաջացրել

Օրեր առաջ Թուրքիայում հայ տնտեսագետ Տարոն Աճեմիօղլուին նախագահի մրցանակի շնորհումը դժգոհություն է առաջացրել իշխող «Արդարություն և զարգացում» կուսակցության ներկայացուցիչների շրջանում:

Taraf.com-ը հաղորդում է, որ նման մրցանակի շնորհումը որոշ կուսակցական ներկայացուցիչներ անվանել են որպես «Թուրքիայի վարչապետ Ռեջեփ Թայիփ Էրդողանի և կառավարության դեմ ուղղված հաղորդագրություն»: Նրանք մեջբերել են Աջեմիօղլուի`«Թուրքիայում զարգացումը ժողովրդավարության չի հանգցնելու» New York Times-ում հեղինակած հոդվածը:

Հիշեցնենք, որ հայ տնտեսագետ Տարոն Աճեմիօղլուն Թուրքիայի նախագահի մրցանակի էր արժանացել հասարակական գիտությունների ոլորտում «դասական աճի և զարգացման տեսությանն ու մոդելներին իր ուրույն մոտեցման» համար: