Հաջորդ մրցաշրջանում կտեսնեք իմ լավագույն հարվածները. Արաս Օզբիլիս

Հայաստանի ազգային հավաքականի և Մոսկվայի «Սպարտակ»-ի կիսապաշտպան Արաս Օզբիլիզը խոսել է թիմի խնդիրների մասին: Ֆուտբոլիստը հայտնել է, որ այժմ ամենակարևորը միավորվելն է: Որպես օրինակ` Օզբիլիսը հիշատակել է Թուրինի «Յուվենտուս»-ին:

«Երեք տարի առաջ «Յուվենտուսը», որն Ա սերիայի լավագույն ակումբներից է, յոթերորդ տեղում էր: Այժմ նրանք երկրի չեմպիոններն են: Մենք պետք է միավորվենք և միասին դուրս գանք այս ճգնաժամից»,- ասել է կիսապաշտպանը:

Օզբիլիսը նաև հայտնել է, որ հաջորդ մրցաշրջանում փորձելու է ցույց տալ իր ռմբարկուական հատկանիշները:

«Իմ հարվածները չեն անհետացել: Պարզապես կան բազմաթիվ գործոններ, որոնք ազդում են ֆուտբոլիստի վրա: Հուսով եմ, որ հաջորդ մրցաշրջանում դուք կտեսնեք իմ լավագույն հարվածները»,- հայ ֆուտբոլիստի խոսքերն է մեջբերել sport-express.ru կայքը: