Վաղը Մինսկում կքննարկվի Հայաստանի` ՄՄ-ին և Եվրասիական տնտեսական միությանը միանալու հարցը

Ապրիլի 29-ին Մինսկում կկայանա Եվրասիական տնտեսական խորհրդի` պետությունների ղեկավարների մակարդակով նիստը. հայտնում է БЕЛТА-ն: Միջոցառումը կանցնի Բելառուսի նախագահ Ալեքսանդր Լուկաշենկոյի նախագահությամբ:

Նիստի օրակարգում է Եվրասիական տնտեսական միության մասին պայմանագրի նախագծի ուղղությամբ իրականացվող աշխատանքների և Հայաստանի` Մաքսային միությանը, ինչպես նաև Բելառուսի, Ղազախստանի և Ռուսաստանի միասնական տնտեսական տարածքին միանալու միջոցառումների` «ճանապարհային քարտեզ»-ի իրականացման ընթացքի քննարկումը:

Նախատեսված են նաև երկկողմ հանդիպումներ Ալեքսանդր Լուկաշենկոյի, ՌԴ նախագահ Վլադիմիր Պուտինի և Ղազախստանի նախագահ Նուրսուլթան Նազարբաևի միջև: