Զոհրաբ Մնացականյանն ազատվել է փոխնախարարի աշխատանքից ու արդեն նոր պաշտոն ունի

Հիմք ընդունելով Հայաստանի Հանրապետության նախագահի` 2007 թվականի հուլիսի 18-ի «Հայաստանի Հանրապետության կառավարության և նրան ենթակա պետական կառավարման այլ մարմինների գործունեության կազմակերպման կարգը սահմանելու մասին» ՆՀ-174-Ն հրամանագրով սահմանված կարգի 125-րդ կետը` ՀՀ նախագահ Սերժ Սարգսյանը որոշել է ԱԳ փոխնախարար Զոհրաբ Մնացականյանին ազատել Հայաստանի Հանրապետության արտաքին գործերի նախարարի տեղակալի պաշտոնից այլ աշխատանքի անցնելու կապակցությամբ:

Նախագահի մեկ այլ հրամանագրով Զոհրաբ Մնացականյանը նշանակվել է Միավորված ազգերի կազմակերպությունում Հայաստանի Հանրապետության մշտական ներկայացուցիչ (նստավայրը՝ Նյու Յորք):