ՃՏՊ գործերով քննիչին կձերբակալե՞ն

Yerkir.am-ի տեղեկություններով) ՀՔԾ-ում կաշառք ստանալու փաստով հարուցված քրեական գործի շրջանակներում մոտ օրերս կձերբակալվի ՀՀ ոստիկանության ճանապարհատրանսպորտային հետաքննության բաժնի ավագ քննիչ Ա. Ասատուրյանը:

Նշենք, որ նրա նկատմամբ Հատուկ քննչական ծառայությունում արդեն իսկ քննվում է մեկ այլ քրեական գործ` ՀՀ ՔՕ 314-րդ հոդվածի հատկանիշներով (պաշտոնեական կեղծիք կատարելը):

Ի դեպ, այս քրեական գործը հարուցվել է տվյալ քննիչի վարույթում քննվող ՃՏՊ գործով անցնող մեղադրյալի` Լուսինե Մկրտչյանի ներկայացրած հաղորդման հիման վրա: Եվ չնայած դրան` Ասատուրյանը մինչև երեկ դեռևս շարունակում էր իրականացնել այդ գործի վարույթը:

Սակայն երեկոյան պարզվեց` Երևան քաղաքի քննչական վարչության ՃՏՀ քննության բաժնում Ասատուրյանի կողմից  քննվող` Լուսինե Մկրտչյանի վերաբերյալ քրեական գործի նախաքննությունը հանձնարարվել է նույն բաժնի ավագ քննիչ Դ. Մարտիրոսյանին, և որոշում է կայացվել քրեական գործը վարույթ ընդունելու մասին:

Մեր տեղեկություններով` Դ. Մարտիրոսյանը դերասան Վարդան Պետրոսյանի գործով քննիչն է: