Կառավարությունը քննիչին բնակարան տվեց լավ ծառայության համար

Կառավարության այսօրվա նիստում ընդունվեց որոշում, ըստ որի` անհատույց օգտագործման իրավունքով Ծաղկաձոր քաղաքում բնակարան է հատկացվում Հատուկ քննչական ծառայության քննիչ Նիկոլայ Գագիկի Բարսեղյանին:

Կառավարությանն առընթեր անշարժ գույքի պետական կոմիտեի ղեկավար Արման Սահակյանը նշեց, որ Ծաղկաձոր քաղաքի Խաչիկ Մուրադյան փողոցի 11 շենքի` 67.63 քառ.մետր մակերեսով և 16 177.0 հազար դրամ հաշվեկշռային արժեքով N 41 բնակարանը տրվում է Նիկոլայ Բարսեղյանին:

«Հատուկ քննչական ծառայության պետը նշյալ գրությամբ միջնորդել է վերոնշյալ հասցեի անշարժ գույքը (բնակարանը) նվիրաբերել Հատուկ քննչական ծառայության խոշտանգումների և մարդու դեմ ուղղված հանցագործությունների քննության վարչության ՀԿԳ քննիչ Նիկոլայ Գագիկի Բարսեղյանին` բարեխիղճ, անաչառ ու արդյունավետ նախաքննություն իրականացնող լավագույն քննիչներից մեկին»,- ասված է կառավարության հիմնավորման մեջ: