Ընդդիմությունը միշտ էլ կարող է կառավարության հրաժարականը պահանջել. նախարար

Ընդդիմությունը միշտ էլ կարող է կառավարության հրաժարականը պահանջելու հարցով հանդես գալ. լրագրողներին այսօր ասաց քաղաքաշինության նախարար Սամվել Թադեւոսյանը` անդրադառնալով ԱԺ ոչ իշխանական 4 խմբակցությունների` կառավարության հրաժարականը պահանջելու նախաձեռնությանը:

«Իմ գնահատականով` ես, իհարկե, պետք է ասեմ, որ դրա համար հիմքեր չկան, բայց դա ընդդիմության հարցն է»,- նշեց նախարարը:

Լրագրողի հարցին, թե, ըստ լրատվամիջոցներում շրջանառվող լուրերի, ՕԵԿ-ում պատրաստվում են իրենց նախարարներին փոխել, Սամվել Թադեւոսյանը պատասխանեց. «Լրատվամիջոցներին ես կհորդորեի ու խորհուրդ կտայի, որ, ընդհանրապես, ավելի լավ կլինի ինֆորմացիաները հստակեցվեն, ճշտվեն, ու նոր նման հարցադրումներ բարձրացվեն: Նման բան չկա, ՕԵԿ առաջնորդը մեր Արթուր Բաղդասարյանն է, մենք դեռեւս միասին աշխատում ենք ու երկար ճանապարհ ունենք միասին գնալու»,- նշեց ՕԵԿ-ական նախարարը: