Ադրբեջանցիները Պուտինին են մեղադրում սահմանին լարվածության մեծացման համար

«Պուտինը տեսնում է, որ տանուլ է տալիս Ուկրաինայի համար Արևմուտքի հետ մղվող աշխարհագրական պայքարը, և որոշել է վնասել արևմտյան շահերին այլ տարածաշրջաններում, մասնավորապես՝ Ղարաբաղում»,- ասել է ադրբեջանցի քաղաքագետ Վաֆա Գուլուզադեն haqqin.az-ի հետ զրույցում՝ մեկնաբանելով սահմանին վերջին օրերին լարվածության մեծացումը:

Նրա խոսքերով՝ շատ հավանական է, որ Ղարաբաղում զինված գործողությունների վերսկսումը ռուսական սադրանքի հետևանք է:  «Ձեզ հայտնի է, որ հայկական զինված ուժերը ռուսական բանակի մի մասն են կազմում, և ոչ մի զինվոր մեկ քայլ անգամ չէր անի առանց Մոսկվայի համաձայնության»:

Երևում է՝  Ադրբեջանը հայկական կողմին պրովոկացիայի և հրադադարի ռեժիմը խախտելու մեջ մեղադրելու համար պատրաստ է դիմել ցանկացած քայլի, անգամ` Ռուսաստանին՝ ի դեմս Պուտինի, նման համարձակ մեղադրանքներ  ներկայացնելուն: