ՀՀԿ-ական կին պատգամավորը քեֆ է արել եւ 10 հազարական դրամ հավաքել

««Չորրորդ ինքնիշխանության» տեղեկություններով՝ Ամանորը բավականին հետաքրքիր է անցել ՀՀԿ-ական պատգամավոր Ռուզան Մուրադյանի եւ նրա կուսակցական ընկերուհիների համար։ Բանն այն է, որ սույն տիկինը Ամանորը նշելու քեֆեր է կազմակերպել, որոնց մասնակցելու հրավեր են ստացել ՀՀԿ-ական կանայք։ Ընդ որում՝ պատգամավորը որոշել է, որ հարուստ կանայք քեֆի համար պետք է վճարեն 10.000 դրամ, իսկ ավելի համեստ կենցաղով ապրողները՝ 5000։

Ընդ որում, կուսակցությունն էլ առանձին  է գումար տրամադրել միջոցառման համար։ Հավելենք նաեւ, որ սույն տիկինը ինչ պատգամավորի մանդատ է ձեռք բերել, ընկերացել է ԱԺ փոխնախագահ, ՀՀԿ-ական Հերմինե Նաղդալյանի եւ ՀՀԿ խմբակցության ղեկավար Գալուստ Սահակյանի տիկնոջ հետ։ Մուրադյանի սերն առ Գալուստ Գրիգորիչի տիկինն այնքան է մեծացել, որ նա որոշել է յուրօրինակ նվեր մատուցել Սահակյանի տիկնոջը՝ նրան հրավիրելով Դուբայ։ Բնականաբար, հրավեր անողն ինքն էլ հոգացել է ծախսերը»։