Ովքե՞ր են հետեւում տրանսպորտի աշխատանքին

Ռաֆֆի Գյոզալյանը ֆեյսբուքյան իր էջում գրել է. «Վերջին շրջանում երթուղայիններում նկատվում են անձինք, ովքեր հետևում և գրանցում են տրանսպորտների ժամային գրաֆիկը, ծանրաբեռնվածությունը, վիճակը և այլն` ներկայանալով որպես քաղաքապետարանի աշխատակիցներ: 

Դեկտեմբերի 25-ին գումարված` Երևանի ավագանու արտահերթ նիստի ավարտից հետո տեղի ունեցած հարցուպատասխանի ժամանակ, իմ կողմից բարձրացվեց նաև այս հարցը, որը մտահոգություն է առաջացրել մեր համաքաղաքացիների շրջանում: Քաղաքապետին ուղղած իմ հարցին պատասխանեց Երևանի քաղաքապետի տեղակալ Վահե Նիկոյանը:

Նրա պնդմամբ արտասահմանյան կազմակերպության կողմից իրականացվող մոնիթորինգ է, որի վերջնական արդյունքները հրապարակվելու են yerevan.am կայքում: Իսկ թե ինչ նպատակ է հետապնդում այդ մոնիթորինգը, քաղաքապետի օգնականը չմանրամասնեց»: