Արձագանքներ` թուրք նախարարների հրաժարականներին

Թուրքիայում ներքին գործերի նախարար Մուամմեր Գյուլերի և էկոնոմիկայի նախարար Զաֆեր Չաղլայանի հրաժարականների վերաբերյալ արձագանքները չուշացան:

Ըստ hurriyet.com-ի`Թուրքիայի Ժողովրդա-հանրապետական կուսակցության ղեկավար Քեմալ Քըլչդարօղլուն նախարարների հրաժարականների վերաբերյալ ասել է. «Փոքր-ինչ ուշացած որոշում է»:

Էկոնոմիկայի նախարար Զաֆեր Չաղլայանի հրաժարականի մասին նույն կուսակցության փոխնախագահն ասել է. «Այո, առաջին հրաժարականի լուրն ստացանք, բայց դեռ բավարար չէ»:

Իսկ նախարար Չաղլայանի հրաժարականի մասին Շինարարական կապալառուների միության նախագահ և Kolin շինարարական խորհրդի անդամ Ջելալ Քոլօղլուն ասել է. «Ճիշտ որոշում է կայացրել: Շուտ պետք է հրաժարվեր»:

Նշենք, որ թուրք նախարարները հրաժարականներ տվեցին այն բանից հետո, երբ նրանց որդիները ձերբակալվեցին դեկտեմբերի 17-ին Կ .Պոլսում ոստիկանության` «մեծ կաշառակերության» գործողության ժամանակ: