Ինչպե՞ս Ուկրաինան պատասխան կտար "եվրաերջանկության" համար

Արդեն հայտնել ենք, որ Վիլնյուսյան գագաթաժողովին զուգահեռ երեկ Կազանում կայացել է «Եվրասիական տնտեսական հեռանկար» միջազգային ֆորումը: Ֆորումի ընթացքում քննարկվել են մի շարք հարցեր, այդ թվում՝ Ուկրաինայի` ԵՄ-ի հետ ասոցացման համաձայնագրից հրաժարվելու որոշումը և եվրասիական ինտեգրման մասնակից պետությունների շահերը:

ՌԴ Պետդումայի նախագահ Սերգեյ Նարիշկինը բացատրել է՝ ինչով է վտանգավոր Ուկրաինայի համար «եվրաերջանկությունը»:

«Մենք ձեզ հետ ականատես եղանք այն աննախադեպ ճնշումներին, որ Արևմուտքը գործադրում էր Ուկրաինայի վրա: Դրվեցին տարբեր պահանջներ, նշանակվեցին վերջնագրային ժամկետներ: Նախ` Ուկրաինային խոստումներ էին տալիս, որ ասոցացման համաձայնագիրը կհանգեցնի երկրի կյանքի մակարդակի բարձրացման, այժմ ուկրաինացիներին խնդրում են սպասել ևս 8-10 տարի,  համբերությամբ զինվել, փակել գործարանները, զանգվածային գործազրկության պայմաններում հայտնվել, և գուցե դրանից հետո  «եվրաերջանկությունը» կայցելի նրանց»,- ասել է Նարիշկինը: