Ի՞նչ կտար Թեհրան-Երևան երկաթգիծն Ադրբեջանի սահմանափակումների պայմաններում

Քաղաքագետ Նինա Մարգարյանը գրում է.

«Տրանսպորտային հակամարտությունը խորանում է:

Տարածաշրջանում տեղի ունեցող իրադարձությունները, այս թվում՝ Ադրբեջանի կողմից Իրանի դեմ սահմանային սահմանափակումները, հերթական ապացույցն են առ այն, թե որքան կարևոր էր ժամանակին տնտեսական նպատակահարմարությունը մի կողմ դնել և կառուցել Սյունիքի հատվածով անցնող Թեհրան-Երևան երկաթգիծը, որն առաջին հերթին ռազմավարական, ազգային նշանակություն ունեցող, ազգային անվտանգության տեսանկյունից կարևորագույն նախագիծ է, հաշվի առնելով Իրանի, Թուրքիայի և Ադրբեջանի միջև (չնայած տնտեսական հարաբերությունների) խորքային տարաձայնությունները։

Պետք էր իրականացնել։ Ճիշտ այնպես, ինչպես արեց Չինաստանը՝ Չինաստան-Ղրղզստան-Ուզբեկստան երկաթգծի կառուցման պարագայում, որն իրականացման փուլում է՝ չմայած ֆինանսական մեծ, որոշ դեպքերում անգամ աննպատակահարմար ներդրումների։

Բայց չարվեց, հիմա էլ դառը պտուղներն են քաղելու»։