Վալերի Օսիպյանը` Բուզանդի փողոցը ''պատած'' ոստիկանների մասին

Այսօր yerkir.am-ի լրագրողը Երևանի փոխոստիկանապետ Վալերի Օսիպյանից հետաքրքրվեց, թե ինչո՞վ է պայմանավորված Բուզանդի փողոցի երկայնքով ոստիկանական մեքենաների շարասյան առկայությունը, արդյո՞ք ոստիկանությունը վտանգ է տեսնում կառավարության շենքի դիմաց կազմակերպված ակցիայից:

Օսիպյանը պատասխանեց, որ ոստիկանությունը, պրոֆիլակտիկայից ելնելով, կանխարգելիչ միջոցառումներ է իրականացնում: Նա նշեց, որ դրա մեջ վատ բան տեսնել պետք չէ, որ ոստիկանության գործողությունները համաչափ են և նորմալ:

Հիշեցնենք, որ ավելի վաղ yerkir.am-ը հայտնել էր, որ կառավարության շենքի դիմաց կազմակերպվելիք` պարտադիր կուտակային կենսաթոշակային համակարգի դեմ բողոքի ակցիան վերահսկելու համար ոստիկանությունը մեծ թվով ոստիկանական մեքենաներ էր կայանել:

Ի դեպ, ակցիայի մեկնարկից հետո ոստիկանական մեքենաների թիվն աճեց` հասնելով 35-ի: