Դու պիտի՞ ինձ ասես` առաջադրվեմ, թե` չէ. Հեղինե Բիշարյանը՝ Սամվել Ալեքսանյանին

ՀՀԿ խմբակցության պատգամավոր Սամվել Ալեքսանյանը երեկ լրագրողների հետ զրույցում իր անհամաձայնությունն ու դժգոհությունն էր հայտնել Մալաթիա-Սեբաստիա վարչական շրջանում ռեյտինգային ցուցակով ՕԵԿ խմբակցության ղեկավար Հեղինե Բիշարյանի առաջադրման կապակցությամբ:

Բիշարյանն էլ այսօր Ալեքսանյանին պատասխանելու պատրաստակամությամբ էր եկել խորհրդարան: Նիստերի դահլիճ մտնելուց առաջ նա հենց տեսավ Ալեքսանյանին, անմիջապես փորձեց հաշիվները մաքրել նրա հետ: «Պարո'ն Ալեքսանյան, երեկ էդ ի՞նչ հայտարարություն եք արել: Ես արդեն երեք անգամ Շենգավիթում առաջադրված թեկնածու եմ: Դու պիտի՞ ինձ ասես` առաջադրվեմ, թե` չէ, թե՞ դու ես ինձ խանգարելու»,- բարկացած հայտարարեց Բիշարյանը:

Սամվել Ալեքսանյանն էլ գրեթե չհակադարձեց Բիշարյանին, միայն կցկտուր մի քանի բան ասաց: