Ինչո՞ւ է նախարարը 1.5 միլիոնի վարագույր գնել

ՀՀ ֆինանսների նախարար Դավիթ Սարգսյանը, պատասխանելով «Ժողովուրդ»-ի հարցին, թե ինչու է իր ղեկավարած գերատեսչությունը պետական բյուջեից միլիոններ ծախսում՝ վարագույրներ գնելու, սեփական աշխատասենյակը վերանորոգելու համար, ուշագրավ պատասխան է տվել տվեց. «Որպես ֆինանսների նախարար՝ ուզում եմ ասել, որ ե՛ւ նախարարության բյուջեն, ե՛ւ պետական բյուջեն ոչ թե 1 միլիոն, 500 հազար կամ 100 հազար դրամ է, այլ միլիարդներ, եւ այդ միլիարդներով պետությունը շատ ու շատ հարցեր է լուծում»:

Հարցին՝ իսկ արդյոք հնարավոր չէ այդ շքեղության գումարներով լուծել հասարակությանը հուզող շատ խնդիրներ, նախարարը  պատասխանել է. «Վերանորոգվել է շատ մեծ կառույց, որտեղ Դուք էլ կարող եք գալ ու տեսնել, եւ կոնկրետ այդ դահլիճը, որը վերանորոգվել է, եղել է շատ անմխիթար վիճակում: Այդտեղ մենք տարբեր հանդիպումներ ենք ունենում ե՛ւ լրագրողների, ե՛ւ միջազգային կառույցների ներկայացուցիչների հետ»: Փաստորեն, նախորդ նախարարներն «անմխիթար» են աշխատել: