Աղվան Հովսեփյանն ու Գարեգին Նուշիկյանը ՛՛քաշել՛՛ են ռեստորանատիրոջը

«Աշտարակի ձոր» ռեստորանային համալիրի տնօրեն Կարեն Գեւորգյանը, որը մտերիմ հարաբերություններ ուներ ՀՀ նախկին գլխավոր դատախազ Աղվան Հովսեփյանի հետ եւ նրա հովանավորությամբ պատրաստվում էր Աշտարակի քաղաքապետ դառնալ, «Հրապարակ»-ի տեղեկություններով, ծանր կացության մեջ է հայտնվել: Նա ռեստորանային համալիրի 51 տոկոս փայաբաժինը որոշել է վաճառել Աղվան Գառնիկիչին՝ պայմանավորվելով, որ նա 1,5 միլիոն դոլարի ներդրում կանի իր բիզնեսում եւ երկրորդ շունչ կտա համալիրին: Պարոն Հովսեփյանը, սակայն, փայաբաժինը ոչ թե իր անունով է ձեւակերպել, այլ խնամու՝ Գարեգին Նուշիկյանի:

Ձորի Կարիկը, փաստորեն, միամտություն է ունեցել ներդրումների մասը պատշաճ չձեւակերպելու: Հավանաբար՝ վստահել է պարտնյորների բանավոր խոսքին եւ «քաշվել»: Նոր փայատերը բավարարվել է ընդամենը մի 200 հազար դոլար ներդրումով եւ հրաժարվում է մնացած գումարը դնել գործի մեջ:

Թերթի թղթակցի հետ զրույցում պատգամավոր Գարեգին Նուշիկյանը հաստատել է թերթի տեղեկությունը՝ ասելով, որ այս տարի ինքը ձեռք է բերել «Աշտարակի ձոր» ռեստորանի բաժնեմասը՝ հրաժարվելով մանրամասներ ներկայացնել. «Միայն կարող եմ հաստատել, որ՝ այո, կա նման բան, եւ գործարքը կատարվել է փոխադարձ համաձայնության միջոցով, որեւէ խնդիր չկա»:

Լուրն ամբողջությամբ կարդացեք «Հրապարակ»-ի այսօրվա համարում: