Գլխավոր դատախազի եղբայրը՝ նոր պաշտոնի

Տեսչական բարեփոխումների շրջանակում շարունակվում է աշխատանքի եւ սոցիալական հարցերի ու առողջապահության նախարարությունների տեսչությունների միավորումը: Դեռ միացյալ տեսչության հաստիքացուցակն ու կանոնադրությունը չկան, թեեւ կառավարության որոշման մեջ ժամկետ է նշված՝ մինչեւ նոյեմբերի սկիզբը: Չկա նաեւ ղեկավար: Շրջանառվում էր Արտակ Սահակյանի՝ ՀՀ  նախագահի վերահսկողական ծառայության աշխատակցի անունը, ով նաեւ նախագահի խնամու զարմիկն է, սակայն վերջին օրերին նոր անուն է շրջանառվում՝ ՀՀ գլխավոր դատախազ Գեւորգ Կոստանյանի եղբոր՝ Կարեն Կոստանյանի անունը, ով առողջապահության նախարարության  լիցենզավորման գործակալության պետն է: Այս մասին գրում է «Հրապարակ»-ը: