Գարիկ Մարտիրոսյանը ներողություն է խնդրել Շերի երկրպագուներից (տեսանյութ)

Հայազգի շոումեն Գարիկ Մարտիրոսյանը ներողություն է խնդրել հանրահայտ երգչուհի Շերի երկրպագուներից օրեր առաջ նրա հասցեին հնչեցրած աղմկահարույց խոսքերի համար:

Հիշեցնենք, որ Մարտիրոսյանը, ով ընդգրկված է Ուկրաինայում հեռարձակվող «Ինչպես երկու կաթիլ» շոուի ժյուրիի կազմում, իրեն իրավունք էր վերապահել նվաստացնել հայտնի երգչուհի Շերին: Շերին շոուի ժամանակ մարմնավորել է «Վիա Գրա» խմբի մենակատարուհի Եվա Բուշմինան: Գնահատելով Բուշմինայի համարը՝ Մարտիրոսյանն ասել է. «Ապրես, դու կարողացել ես ոչնչից ինչ-որ բան ստանալ և ցուցադրել»:Գարիկի այդ խոսքերն առաջացրել են Շերի բազմաթիվ երկրպագուների զայրույթը:

Լրագրողների հետ զրույցում Գարիկը բացատրել է, որ չէր ցանկանում նեղացնել Շերին, ավելին նա հիանալի, լեգենդար հայազգի երգչուհի է:

«Ես նկատի ունեի տվյալ համարում Շերի կերպարը:  Շերը կատարում է այդ երգը փայլուն զգեստներով, հիանալի երգում է, սակայն որևէ կերպար ես այնտեղ չեմ տեսել: Իսկ Եվան կարողացավ այլ կերպ ներկայացնել  համարը, և իսկապես վառ կերպար ստանալ: Այնպես որ, խոսքը միայն տվյալ համարի մասին էր: Իսկ Շերի տաղանդը հայտնի է բոլորին, նա հիանալի դերասանուհի է և կարողանում է միշտ վառ, յուրահատուկ կերպարներով ներկայանալ",-ասել է նա:

Մանրամասները՝ «Сегодня»-ի տեսանյութում: