Մարդիկ կատաղել են

Պայթյունից գեներալ է զոհվել

Պակիստանի Վերին Դիր շրջանում տեղի ունեցած պայթյունի արդյունքում զոհվել են գեներալ ու գնդապետ: Զինծառայողները վերադառնում էին զորամաս կատարած այցելությունից, երբ պայթել է ավտոմայրուղու վրա տեղադրված ռումբը: Ոստիկանությունը պայթյունի համար մեղավոր է համարում պակիստանյան թալիբներին, որոնք արդեն տեւական ժամանակ ահաբեկչական պատերազմ են վարում իշխանությունների ու ուժայինների հետ:

Գնդակահարվել է բարձրաստիճան պաշտոնյա

Իսկ Աֆղանստանի հարավում թալիբները գնդակահարել են իրավապահ մարմինների բարձրաստիճան պաշտոնյա կնոջ: Նա քայլելիս է եղել փողոցով, երբ ընդառաջ եկած մոտոցիկլետից կրակ են արձակել: Պաշտոնյայի վիճակը ծայրահեղ ծանր է:

Պայթյուններ` Իրաքում

Այսօր առավոտյան մի քանի պայթյուններ են տեղի ունեցել Իրաքում, որոնց հետեւանքով մոտ 40 մարդ զոհվել է: Պայթուցիկ սարքերը ամրացված են եղել ավտոմեքենաներին: Բոլոր այն քաղաքները, որոնցում պայթյուն է իրականացվել, գտնվում են Իրաքի մայրաքաղաքից ոչ հեռու: Վերջին ժամանակներում սրվել է լարվածությունը շիա եւ սուննի մահմեդական խոշոր համայնքների միջեւ: Իսկ թե որ կողմն է պայթյունը կազմակերպել, դեռ հայտնի չէ: