Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Վերջին օրերին Երեւանում կատարված ինքնասպանություններին անդրադառնալիս հոգեբան Սամվել Խուդոյանը դրանք համարեց աննորմալ, բնությանը ոչ բնորոշ քայլ: «Մարդու թույլ կամ ուժեղ լինելը կապ չունի,այստեղ նորմալ եւ ոչ նորմալ հոգեվիճակում գտնվելու խնդիր է: Մարկանց տիպ կա,որը պրոբլեմային իրավիճակում փախուստի է դիմում: Փախուստի ձեւեր են՝ ինքնասպանությունը, թմրամոլությունը եւ այլն»,- այսօրվա ասուլիսում ասաց հոգեբանը՝ հավելելով, որ ինքնասպանությունը կարող է նաեւ ժառանգական լինել: Անկախ ամեն ինչից, բանախոսը ինքնասպանությանը արդարացում չի գտնում. «Ինքնասպանության գնացողը փրկվելուց հետո անպայման փոշմանելու է»:
Տեր Ռուբեն աբեղա Զարգարյանի խոսքերով էլ այն հասարակություններում՝ որոնցում ապրում են համայնքային կյանքով, ավելի քիչ են ինքնասպանությունները, հակառակ պարագայում, երբ մարդն իրեն մենակ է զգում, ավելի շատ են նման դեպքերը: Ինքնասպանության պատճառները, ըստ նրա, բազմազան են, բայց գլխավոր պատճառը, շեշտված եսասիրությունն է:
«Ինքնասպանության գնալ նշանակում է մերժել Աստծուն, քրիստոնեությունը, ծնողին: Յուրաքանչյուրիս մեղքը կարող է լինել դրա մեջ, մենք պետք է ուշադիր լինենք, փոքր վերաբերմունքը կարող է ամեն ինչ փոխել»,- սա եկեղեցու սպասավորի տեսակետն է:
Իսկ եկեղեցին ինքնասպանություն գործած մարդկանց համար կարգ չի կատարում: