Ունիվերսիադա-2013. հունահռոմեական ըմբիշ Մաքսիմ Մանուկյանը եզրափակչում է

Ռուսաստանի Կազան քաղաքում ավարտին են մոտենում Համաշխարհային ուսանողական 27-րդ խաղերը: Այսօր մրցագորգ  էին դուրս եկել հունահռոմեական ընբիշները:

Լոնդոնի օլիմպիական խաղերի արծաթե մեդալակիր, հունահռոմեական ոճի ըմբիշ  Արսեն Ջուլֆալակյանի կրտսեր եղբայրը` 66կգ քաշային կարգում հանդես եկող Արամ Ջուլֆալակյանը պարտվեց կոերացի ըմբիշ Կիմ Ջիհունին` 3:1:

120 կգ քաշային կարգը ներկայացնող, Եվրոպայի 2013թ. առաջնության բրոնզե մեդալակիր Վաչիկ Եղիազարյանը մեկնարկային գոտեմարտում 4:1 հաշվով առավելության հասավ ճապոնացի Մեկավա Շորիի նկատմամբ, սակայն հաջորդ գոտեմարտում պարտվեց ռուսաստանցի  Սերգեյ Անդրուսիկին` 3:1: Մեկնարկային գոտեմարտում պարտվել է նաև 55կգ քաշային Հարություն Հովհաննիսյանը:

Մաքսիմ Մանուկյանը (84 կգ) փայլուն գոտեմարտեր անցկացրեց` հաղթելով գերմանացի, հունգարացի, ղազախ և ուկրաինացի ըմբիշներին,  դուրս  եկավ եզրափակիչ, որտեղ կհանդիպի Ռուսաստանը ներկայացնող Ալան Խուգաևի հետ:

Եզրափակիչ գոտեմարտը կկայանա այսօր`  Երևանի ժամանակով 18:40-ին: