Ունիվերսիադա-2013. Դավիթ Սաֆարյանը` արծաթե մեդալակիր (ֆոտո)

Ռուսաստանի Կազան քաղաքում շարունակվում է հուլիսի 6-ին մեկնարկած համաշխարհային 27-րդ Ունիվերսիադան:
Այսօր մեկնարկի են դուրս եկել ազատ ոճի ըմբիշներ` 55 կգ քաշային Գարիկ Բարսեղյանը, Եվրոպայի չեմպիոն Դավիթ Սաֆարյանը (66կգ), և Եվրոպայի փոխչեմպիոն 84 կգ քաշային Մուսա Մուրթազալիևը:

55 կգ քաշային Գարիկ Բարսեղյանը և Մուսա Մուրթազալիևը պարտվեցին, համապատասխանաբար, վրացի և  իրանցի ըմբիշներին` դուրս մնալով հետագա պայքարից:

Եվրոպայի չեմպիոն 66 կգ քաշային Դավիթ Սաֆարյանը հաջողությամբ հաղթահարեց լեհ, ուզբեկ, ղրղզ և ուկրաինացի ըմբիշների արգելքը և հասավ եզրափակիչ:

Եզրափակիչում հայ ըմբիշը իր ուժերը չափեց ռուսաստանցի Մահոմեդ Կուրբանալիևի հետ և 3:1 հաշվով պարտվեց` դառնալով արծաթե մեդալակիր: