Աբովյան փողոցի մետաղե կոնստրուկցիաներն ապամոնտաժվել են

Երևանի քաղաքապետարանը արձագանքում է «Մենք ենք այս քաղաքի տերը» քաղաքացիական նախաձեռնության տարածած հաղորդագրությանը:

«Աբովյան փողոցում ապամոնտաժված կրպակների տեղում երկաթյա կոնստրուկցիաների տեղադրման վերաբերյալ հուլիսի 11-ին որոշ լրատվամիջոցներով հնչեցրած ահազանգի հետքերով՝ Երևանի քաղաքապետարանի աշխատակազմի քաղաքաշինության և հողի վերահսկողության վարչության աշխատակիցները նույն օրը եղել են տեղում և, անմիջապես կասեցնելով շինարարական աշխատանքները, ձեռնամուխ են եղել արդեն տեղադրված կոնստրուկցիաների ապամոնտաժման աշխատանքներին:

Ձեռնարկված միջոցառումների արդյունքում հուլիսի 12-ի վաղ առավոտյան արդեն տարածքը բերվել է նախկին տեսքին»,- ասված է քաղաքապետարանի տարածած հայտարարության մեջ: