Փոխարժեքներ
25 10 2024
|
||
---|---|---|
USD | ⚊ | $ 387.14 |
EUR | ⚊ | € 418.07 |
RUB | ⚊ | ₽ 4 |
GBP | ⚊ | £ 502.2 |
GEL | ⚊ | ₾ 141.94 |
ԱԺ ավանդական ճեպազրույցում «Ժառանգություն» խմբակցության ղեկավար Ռուբեն Հակոբյանը նշեց, որ թեեւ հինգերորդ գումարման ԱԺ երրորդ նստաշրջանը համընկավ նախագահական եւ ավագանու ընտրությունների հետ, ինչը փոքր-ինչ խանգարեց ԱԺ աշխատանքներին, ու թեեւ ընդդիմությունը փոքր թվով է ներկայացված խորհրդարանում, բայց ակտիվ եւ որակով մասնակցեց քննարկումներին, որի արդյունքում էլ պառլամենտական մշակույթն ավելի բովանդակային նշաձող ունեցավ։ Պատգամավորը հայտարարեց, որ ընդդիմադիր ուժերը պետք է ձևավորեն միասնական օրակարգ եւ հանդես գան մի շարք օրենսդրական նախաձեռնություններով։
Անդրադառնալով Վերահսկիչ պալատի տարեկան հաշվետվությանը` նա տեղեկացրեց, որ խմբակցությունը գնահատական կտա, երբ պարզ դառնա, թե ինչ էր հետապնդում այս հաշվետվությունը։ Ըստ Հակոբյանի` ՎՊ հաշվետվության ընթացքում ինչ-որ բան այն չէր: «Եթե ԱԺ-ն թատրոն չէ, եւ այդ փաստաթուղթը բեմադրություն չէ, ապա բոլոր խմբակցությունների ղեկավարները պետք է հաղորդում տան հանցագործության մասին եւ դիմեն դատախազություն ու ոստիկանություն պետական շահերի պաշտպանության հարցով։ «Մարդիկ պետք է ներգրավվեն որպես մեղադրյալներ։ Հովիկ Աբրահամյանն ինքն է խոսել թալանչիների մասին, ուստի նրանց նկատմամբ պետք է պատժամիջոցներ կիրառվեն»,- հայտարարեց Հակոբյանը։