ԼՂՀ-ի կենտրոնական հավաքակետում ընդունել են զորակոչվածների առաջին խմբին

Հունիսի 12-ին բանակի կենտրոնական հավաքակետում կազմակերպվել է հանդիսավոր միջոցառում, որը նվիրված էր ընթացիկ տարվա գարնանը զորակոչվածների առաջին խմբի ընդունմանը:

Նորակոչիկներին հայրենյաց պաշտպաններ դառնալու առթիվ շնորհավորելու էին եկել բարձրաստիճան սպաներ, Հայ առաքելական եկեղեցու և հասարակական կազմակերպությունների ներկայացուցիչներ. հայտնում է ԼՂՀ ՊԲ կայքը:

 Ելույթ ունեցողները նախ շնորհավորել են տղաներին Պաշտպանության բանակի շարքերում ծառայության անցնելու կապակցությամբ, իսկ այնուհետև համոզմունք հայտնել, որ սահմանադրական պարտքը կատարած զինվորներին փոխարինելու եկած երիտասարդները պատվով կշարունակեն իրենց նախորդների հայրենանվեր գործը:

Համապետական նշանակություն ունեցող այս միջոցառման ավարտից հետո նորակոչիկներն ուղևորվել են զորամասեր, որտեղ, տիրապետելով ռազմական գործին, իրենց անձնուրաց ծառայությամբ կպահպանեն Արցախ աշխարհի անառիկությունը: