ՆԱՏՕ-ն հրաժարվում է մեկնաբանել իսրայելական հարձակումը Սիրիայի վրա

ՆԱՏՕ-ն չի մեկնաբանում Սիրիայի տարածքին Իսրայելի օդային հարվածները. հայտարարել է Դաշինքի գլխավոր քարտուղար Անդերս Ֆոգ Ռասմուսենը:

«Ես ծանոթ եմ ԶԼՄ-ների` այդ թեմայով հաղորդումներին: Ինչ վերաբերում է հետախուզական բնույթի տեղեկատվության, ապա Դաշինքը սկզբունքորեն չի մեկնաբանում»,- ընդգծել է նա` հավելելով, որ ՆԱՏՕ-ի հակաօդային պաշտպանության գոտում` Թուրքիայում, որեւէ ակտիվություն չի նկատվել:

Ըստ Ռասմուսենի` ՆԱՏՕ-ի դիրքորոշումը սիրիական հակամարտության հարցում չի փոխվել` Դաշինքի խնդիրն է ապահովել իր անդամների, տվյալ դեպքում` Թուրքիայի անվտանգությունը. տեղեկացնում է ИТАР-ТАСС-ը:

Պատասխանելով լրագրողի հարցին` ժամանակը չէ՞, որ ՆԱՏՕ-ն միջամտի Սիրիայի իրադարձություններին, նա ընդգծել է, որ Դաշինքը «խորապես անհանգստացած է տարածաշրջանի հումանիտար վիճակով, երբ ավելի քան 70 հազար մարդ է զոհվել եւ ավելի քան միլիոն մարդ փախստական դարձել»: