Աֆյանը պաշտոնանկ կարվի՞

ՀՀ ոստիկանության պետի տեղակալ Ալեքսանդր (Սաշիկ) Աֆյանին ՀՀ ոստիկանապետ Վլադիմիր Գասպարյանը պատրաստվում է պաշտոնանկ անել:

Պատճառը, ըստ «Ժողովուրդ»-ի տեղեկությունների, այն է եղել, որ նա Սերժ Սարգսյանի և Րաֆֆի Հովհաննիսյանի երդմնակալության օրը՝ ապրիլի 9-ին, Բաղրամյան պողոտայում ծավալված իրադարձությունների ժամանակ հանդես է եկել դիտորդի դերում: Ոստիկանության համար ճակատագրական նշանակություն ունեցող պահերին նա ոչ թե ոստիկանության ղեկավարության կողքին է եղել, այլ ՀՀ պետական պահպանության ծառայության ղեկավար Հրաչյա Հարությունյանի (Կրակեմ Հրաչ): Այս պահվածքը դուր չի եկել Վլ. Գասպարյանին:

Ինչո՞ւ էիք զատվել Ձեր գործընկերներից. «Ժողովուրդ»-ը երեկ՝ ողջ օրվա ընթացքում, փորձել է այս հարցի պատասխանը ստանալ անձամբ Աֆյանից, սակայն թերթի հեռախոսազանգերն ու հաղորդագրությունները մնացել են անպատասխան: