Կիմ Չեն Իրը սարդ էր ուտում

Հյուսիսային Կորեայի հանգուցյալ առաջնորդ Կիմ Չեն Իրը սննդում կիրառում էր գետաձիու միս, օձեր, սարդեր: Այս մանրամասները պատմել է նրա խոհարար Քենդի Ֆուջիմոտնո, ով 2011-ին լքել է երկիրը. գրում է Sun-ը:

Ըստ խոհարարի` Կիմ Չեն Իրը սիրում էր ճաշն ավարտել «Բորդո»-ով կամ մի գավաթ կոնյակ, երբեմն էլ Johnnie Walker վիսկի էր ըմպում:

Ֆուջիմոտոն նաեւ նշել է, որ առաջնորդն ատում էր օծանելիքների բուրմունքը: Նրա ընտանիքի բոլոր անդամներին եւ շրջապատին խստագույնս արգելվում էր օծվել: Տաբու էր դրված անգամ սափրվելու միջոցների վրա:

Հիշեցնենք, որ Կիմ Չեն Իրը կյանքից հեռացավ 2011-ին: Նրան փոխարինելու եկավ որդին` Կիմ Չեն Ընը: