Գագիկ Շամշյանի հոսանքահարվելը թեթեւ չի անցնի

Այսօր Պռոշյան գյուղի բնակիչների կազմակերպած  բողոքի ակցիան լուսաբանելիս լուսանկարիչ Գագիկ Շամշյանը հոսանքահարվել է և վայր ընկել տաղավարի տանիքից: Նրան  շտապ օգնության են հասել` սկզբում` գյուղացիները, հետո` բժիշկները: Բարեբախտաբար, ամեն ինչ բարեհաջող է ավարտվել. Գագիկ Շամշյանն այս պահին  զբաղված է  իր մասնագիտական գործունեությամբ:

Ցավոք, Գագիկ Շամշյանի համար  անհնար է եղել «անմահացնել» իր հետ կատարվածը, և դա արել են «Ֆոտոլուր» գործակալության նրա կոլեգաները` այս անգամ օպերատիվությամբ առաջ անցնելով Գագիկ Շամշյանից:

Լիահույս ենք, որ Շամշյանն այս «բացթողումն» անուշադրության  չի մատնի եւ արդեն մոտակա ժամերին ավելի ծանր ու ավելի ցնցող իրադարձությունների բովում կհայտնվի: