BNP Paribas Masters-2011

Հայտնի են դարձել Փարիզում ընթացող  BNP Paribas Masters-2011-ի  քառորդ եզրափակչի բոլոր մասնակիցները։

Երրորդ փուլում աշխարհի չորրորդ ուժեղագույն թենիսիստ, շվեյցարացի Ռոջեր Ֆեդերերը ֆրանսիացի Ռիշար Գասկեի հետ պայքարում հաղթող դուրս եկավ։ Երկու սեթերի արդյունքում` 6/2, 6/4 հաշվով, 1 ժամ 5 րոպեում պայքարից դուրս է թողել ֆրանսիացուն։

Քառորդ եզրափակչում Ֆեդերերն ուժերը կչափի արգենտինացի Խուան Մոնակոյի հետ, որի մրցակից ամերիկացի Մարդի Ֆիշը ժամանակից շուտ դադարեցրել էր հանդիպումը։

Աշխարհի 8-րդ ուժեղագույն թենիսիստ, ֆրանսիացի Ժո-Վիլֆրիդ Ցոնգան երրորդ փուլում` 6/3, 6/4 հաշվով առավելության է հասել իտալացի Անդրեաս Սեպիի նկատմամբ։ Հանդիպումը տևել է 1 ժամ 16 րոպե։

Քառորդ եզրափակչում Ցոնգան կանցկացնի ճակատագրական հանդիպում աշխարհի ուժեղագույն թենիսիստ, սերբ Նովակ Ջոկովիչի հետ։

Բրիտանացի Էնդի Մարրեյը ամերիկացի Էնդի Ռոդիկի դեմ մրցելույթում 6/2, 6/2  հաշվով ամրապնդվեց 1/4 եզրափակչում:

Առաջատարներից միայն իսպանացի Ռաֆայել Նադալն է պակասում կատարյալ մրցակցության համար: Հիշեցնենք, որ թենիսիստն առողջական խնդիրների պատճառով հրաժարվել էր մասնակցել: