Այս պահին Երևանում sett-weather
Փոխարժեքներ 04 11 2025
USD ⚊ $ 382.55
EUR ⚊ € 440.47
RUB ⚊ ₽ 4.7293
GBP ⚊ £ 502.25
GEL ⚊ ₾ 141.19
կարևոր
0 դիտում, 12 տարի առաջ - 2013-04-17 13:00
Իրավական

Գյումրիի բնակարաններից մեկում կանխվել է երկրորդ նռնակի պայթյունը

Գյումրիի բնակարաններից մեկում կանխվել է երկրորդ նռնակի պայթյունը

Արդեն տեղեկացրել ենք, որ ապրիլի 16-ին` ժամը 22.23-ին, Շիրակի մարզի Գյումրի քաղաքի Մ. Ավետիսյան փողոցի թիվ 27 շենքի 33-րդ բնակարանում պայթել է նռնակ, կա 3 տուժած:

 

Պարզվում է` պայթյունը պատահական տեղի չի ունեցել: Ավելին` դեպքի վայր հասած ոստիկաններին հաջողվել է կասեցնել երկրորդ նռնակի պայթյունը:

 

Մեկնած օպերատիվ խումբը նշված շենքի բնակարաններից մեկում հայտնաբերել է 1956 թ. ծնված, նախկինում դատապարտված Եղիշե Թ.-ին, որը փորձում էր «Ֆ-1» տիպի նռնակ գործարկել, սակայն ոստիկանության ծառայողների ձեռնարկած միջոցառումների շնորհիվ նրա գործողությունները կասեցվել են, իսկ նռնակն առգրավվել է:

Պարզվել է, որ նույն օրը` ժամը 21.40-ի սահմաններում, Եղիշե Թ.-ն նշված բնակարանում, 1967 թ. ծնված Հասմիկ Ե.-ի և նրա եղբոր` 1969 թ. ծնված Հովհաննես Ե.-ի հետ վիճաբանության ժամանակ գործարկել էր ևս մեկ «Ֆ-1» տիպի նռնակ:
Պայթյունի հետևանքով Եղիշե Թ.-ն և Հասմիկ ու Հովհաննես Ե.-երը մարմնի տարբեր մասերում ստացել են վնասվածքներ և տեղափոխվել հիվանդանոց:
Նշանակվել է պայթունատեխնիկական փորձաքննություն:

 

 

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը