Չեմպոնների լիգա. ''Ռեալ''-ը պարտվեց, սակայն դուրս չմնաց պայքարից

Ավարտվեցին Չեմպիոնների լիգայի քառորդ եզրափակիչի առաջին խաղային օրվա հանդիպումները:

Թուրքական «Գալաթասարայ»-ը Ստամբուլում հյուրընկալել էր  Մադրիդի «Ռեալ»-ին:

Ճիշտ է թուրքական ակումբին հաջողվեց մրցակցի դարպասն ուղարկել 3 գնդակ և հաղթել, սակայն ընդհանուր՝ 5:3 հաշվով «սերուցքայինները»՝  Չեմպիոնների լիգայում կշարունակեն  իրենց պայքարը:

Հանդիպման 8’-ին պորտուգալացի Քրիշտիանու Ռոնալդուն առաջ մղեց իր թիմին: Թերևս դա առաջին խաղակեսի միակ գոլն էր:

Երկրորդ խաղակեսի սկզբնամասում Ռոնալդուն կարող էր կրկնապատկել հաշիվը՝ դառնալով դուբլի հեղինակ, սակայն չկարողացավ գրավել թուրքական ակումբի դարպասը շատ նպաստավոր դիրքից:

57՛ Էմանուել Էբուեան հավասարեցրեց խաղի հաշիվը, իսկ 71՛ Ուեսլի Սնեյդերը առաջ մղեց «Գալաթասարայ»-ին:

Մեկ րոպե անց Դիդիե Դրոգբան գրավում է մրցակցի դարպասը՝ 3:1:

Հանդիպման ավելացված ժամանակի երկրորդ րոպեին Ռոնալդուն, այնուամենայնիվ, դառնում է դուբլի հեղինակ:

Այսպիսով՝ ընդհանուր 5:3 հաշվով մադրիդցիները շարունակում են մրցապայքարը:

«Բորուսիա» - «Մալագա» մրցավեճում հաղթող դուրս եկան դորտմունդցիները:

Բավական հետաքրքիր և լարված պայքար էր: Թիմերի միջև առաջին հանդիպումն ավարտվել էր չոր՝ առանց գոլերի, ուստի հաղթողը պետք է պարզվեր այս խաղում:

Հաջողութունը «Բորուսիա» -ի կողմն էր, դորտմունդցիները, իրական կամք դրսևորելով, հաղթեցին մրցակցին՝ 3:2:

Գոլերը՝ Ռոբերտ Լեւանդովսկի  40՛, Մարկո Ռոյս 90՛, Ֆելիպե Սանտանա 90՛+1՛ – Խոակին Սանչես  25՛, Էլիզեու  82՛: