Հայտնի են ՌԴ-ում ավտովթարից զոհված հայերի անունները

ՀՀ արտակարգ իրավիճակերի նախարարությունը հրապարակել է ապրիլի 8-ին Ռուսաստանի Վլադիմիրսկի մարզի Պետուշինսկի շրջանում տեղի ունեցած ավտոպատահարից տուժած ՀՀ քաղաքացիների անունները:

Ըստ ԱԻՆ կայքի` «ԳԱԶել» մեքենայի վարորդ, 1966 թ. ծնված Արմեն Վարդանյանը հոսպիտալացվել է Պետուշկի քաղաքի բժշկական կենտրոն։ Նրա վիճակը միջին ծանրության է։ Ուղևորներ Զոհրաբ Ավագյանը, 1963 թ. ծնված Սասունիկ Սարգսյանը և Արթիկի բնակիչ Վարդան Վարդանյանը տեղում մահացել են: Մյուս զոհերի ինքնությունը ճշտվում է:

Հիշեցնենք, որ ՌԴ Վլադիմիրսկի մարզի Պետուշինսկի շրջանի Բոլդինո բնակավայրի մոտակայքում տեղի էր ունեցել ՃՏՊ. բախվել են «Միցուբիշի» մակնիշի, «ԳԱԶել» մակնիշի МА 156 37 պ/հ և «Վոլվո» մակնիշի B212BO12 պ/հ բեռնատար ավտոմեքենաները, ինչի հետևանքով հրդեհ է բռնկվել։ Զոհվել է 8 քաղաքացի: