Քաղաքապետարանը սպասում է նախագահականի ցուցումին

Երեկ «Հայկական ժամանակ»-ին հայտնի է դարձել որ «Ժառանգություն» կուսակցության վարչության փոխնախագահ Արմեն Մարտիրոսյանը երեկ իրազեկում է ներկայացրել Երեւանի քաղաքապետարան, ապրիլի 9-ին Բաղրամյան պողոտայով երթ անցկացնելու վերաբերյալ:

Քաղաքապետարանի աղբյուրներից «ՀԺ»-ն տեղեկացել է, որ երեկվա դրությամբ իրազեկման ճակատագիրը հայտնի չէր: Այն ոչ ընդունվել էր ի գիտություն, եւ ոչ էլ մերժվել քաղաքապետարանի կողմից: Ակնհայտ է, գրում է թերթը, որ Երեւանի քաղաքապետարանը նման պատասխանատու որոշում չի կայացնի առանց նախագահական նստավայրից կոնկրետ ցուցում ստանալու:

Ապրիլի 9-ին Երեւանի Ազատության հրապարակում նախատեսվում է մեծ հանրահավաք, որի ժամանակ տեղի է ունենալու 2013 թ. նախագահական ընտրություններում ժողովրդի վստահության քվեն ստացած Րաֆֆի Հովհաննիսյանի երդման արարողությունը, եզրափակում է «Հայկական ժամանակը»: