Ֆրանսիան սառեցրել է Սիրիա զենք մատակարարելու ծրագիրը

Հետախուզության զեկույցները ստիպել են Ֆրանսիային սառեցնել սիրիացի ապստամբներին զենք մատակարարելու ծրագիրը: Ֆրանսիական հատուկ ծառայությունները կառավարությանը զգուշացրել են, որ զենքի մի մասը կարող է հայտնվել մոջահեդների մոտ. տեղեկացնում է ИТАР-ТАСС-ը` վկայակոչելով ֆրանսիական Canard enchaine պարբերականը:

Ֆրանսիայի արտաքին անվտանգության գլխավոր վարչության տվյալներով` այսօր Սիրիայում ավելի շատ իսլամականներ են կռվում, քան ժամանակին Աֆղանստանում` թալիբների կողմից: 5-8 հազար գրոհայիններից 1,5 հազարը սիրիական արմատներ չունեն: Դրանք մեծ մասամբ  արաբական «Ջեբհաթ ան Նուսրա» շարժման կամավորներն են, կան նաեւ մի քանի հայուր վարձկաններ` ֆրանսիացիներ, թունիսցիներ, հոլանդացիներ, բելգիացիներ, գերմանացիներ, իսպանացիներ, բրիտանացիներ: