ԱՄՆ-ն կորցնելու է Թուրքիային զենք մատակարարելու մենաշնորհը. ռուս պատգամավոր

Ռուսաստանի Պետդումայի պատգամավոր Օլեգ Մորոզովը մեկնաբանել է Թուրքիայի նախագահ Ռեջեփ Թայիփ Էրդողանի այն հայտարարությունը, որ Թուրքիան ոչ մի դեպքում հետ քայլ չի կատարելու Ս-400 հակահրթիռային պաշտպանության համակարգերի գնման գործարքից. տեղեկացնում է Sputnik-ի թուրքական գործակալությունը: 

Հույս հայտնելով, որ մոտ ժամանակներս Ս-400-ները կլինեն Թուրքիայում, պատգամավորը նշել է. «Վաշինգտոնն ասում է, որ ռազմական և տեխնիկական ոլորտում համագործակցում է Թուրքիայի հետ, սակայն փորձում է շահարկել Անկարայի` ՆԱՏՕ-ի անդամակցության փաստը: Հասկանալի է` ինչու է Վաշինգտոնը նման բան անում: Ի պատասխան Էրդողանի հայտարարությանը, Սպիտակ տնից մեծ քանակությամբ սպառնալից, մանիպուլյացիոն և սպեկուլյատիվ հայտարարություններ են եղել: ԱՄՆ-ն կարող է կորցնել Թուրքիային զենք մատակարարելու մենաշնորհը»: