ԵՄ ԱԳ նախարարներին հանձնարարվել է ընդհանուր հայտարարի գալ Սիրիային զենք մատակարարելու հարցում

ԵՄ 27 անդամ երկրների ղեկավարները հանձնարարել են արտգործնախարարներին հաջորդ շաբաթ Դուբլինում կայանալիք ոչ պաշտոնական հանդիպման ընթացքում ընդհանուր դիրքորոշում ընդունել Սիրիա զենքի մատակարարման էմբարգոյի կապակցությամբ. հայտարարել է Եվրոպական խորհրդի նախագահ Հերման վան Ռոմպույը. տեղեկացնում է РИА Новости-ն:

Տարաձայնություններն այդ հարցում նոր թափով ի հայտ եկան, երբ Մեծ Բրիտանիան եւ Ֆրանսիան հայտարարեցին, որ միակողմանիորեն, առանց ԵՄ-ի համաձայնության, զենք են մատակարարելու սիրիացի ապստամբներին: Գերմանիան էլ հայտարարեց, որ, եթե ԵՄ գործընկերները չառարկեն, ինքը նույնպես կքննարկի էմբարգոյի վերացման հարցը: