Ուրուգվայի Սենատը թույլատրել է միասեռ ամուսնությունները

Երեկ Ուրուգվայի Սենատը կողմ է քվեարկել միասեռ ամուսնությունների օրինականացման օրինագծին. տեղեկացնում է ИТАР-ТАСС-ը:

Դեկտեմբերին օրենքի նախագիծը հավանության էր արժանացել խորհրդարանի ստորին պալատում, որտեղ կվերադարձվի ` փոփոխություններով հանդերձ, վերջնական հաստատման համար: Եթե այն հաստատվի, Ուրուգվայը կդառնա Լատինական Ամերիկայի երկրորդ երկիրը եւ աշխարհում քսաներորդը, որը օրինակացրել է միասեռ ամուսնությունները:

Օրենքը թույլ է տալիս զույգերին որոշել, թե ում ազգանունն է կրելու երեխան, հստակեցնում է որդեգրման կանոնները, նաեւ բացառում «ամուսին» եւ «կին» բառերը ամուսնական պայմանագրերում` դրանք փոխարինելով չեզոք` «պայմանավորավող կողմեր» արտահայտությամբ:

Ուրուգվայի նախագահ Խոսե Մուխիկան արդեն հայտարարել է, որ ծրագրում է ստորագրել այդ օրինագիծը: