Արոնյանը և Կարլսենը պարտվեցին

Լոնդոնում ընթացող` աշխարհի չեմպիոնի կոչման համար հավակնորդների շախմատային մրցաշարում գրոսմայստեր  Լևոն Արոնյանը սպիտակ խաղաքարերով պարտվեց Վլադիմիր Կրամնիկին:

Հայազգի շախմատիստը խաղում էր սպիտակ խաղաքարերով: Պարտիան տևեց ավելի քան 6 ժամ: Արոնյանը 62-րդ քայլում հանձնվեց: Այժմ նա ունի 6.5, իսկ Կրամնիկը` 8 միավոր:

Առաջնության 12-րդ տուրում անսպասելի պարտություն կրեց մրցաշարի առաջատար նորվեգացի Մագնուս Կարլսենը: Նորվեգացի «հրաշամանուկը» սպիտակներով պարտվեց Վասիլի Իվանչուկին, ով մրցաշարային աղյուսակի նախավերջին հորիզոնականում է:

Կարլսենը 7.5 միավորով երկրորդ տեղում է, իսկ  առաջատարը Վլադիմիր Կրամնիկն է:

ՖԻԴԵ-ի շախմատի աշխարհի չեմպիոնի հավակնորդների մրցաշարում մարտի 30-ը հանգստյան օր է: