Ադրբեջանում լրագրողների վիճակը սարսափելի է. զեկույց` ՄԱԿ-ում

Ադրբեջանում լրագրողների վիճակը սարսափելի է և ամեն օր գնալով վատանում է. ըստ Contact.az-ի` ՄԱԿ-ում հայտարարել է Լրագրողների խոսքի ազատության և անվտանգության ինստիտուտի տնօրեն Էմին Հուսեյնովը:

Նա իր զեկույցում նշել է, որ Ադրբեջանի իշխանությունները չեն կատարում ստանձնած պատրավորությունները, այդ թվում` լրագրողների կյանքի իրավունքի պահպանման և անձնական կյանքի անձեռնմխելիության ապահովման, ինչպես նաև չեն պատժում լրագրողների հանդեպ բռնությունները, նպաստում են նրանց ձերբակալություններին` քաղաքական նկատառումներից ելնելով:

Հուսեյնովը նաև նշել, որ ադրբեջանական օրենսդրությունը սահմանափակում է խոսքի ազատությունը և պետական մակարդակով վերահսկում ԶԼՄ-ներին: