Պաղեստինը դեմ է Էրդողանի այցին Գազայի հատված

Պաղեստինի իշխանությունները Թուրքիային տեղեկացրել են, որ բացասաբար են վերաբերվում Թուրքիայի վարչապետ Էրդողանի` Գազայի հատված այցելելու մտադրությանը. տեղեկացնում է mignews.com-ը:

Պաղեստինի ինքնավարության վարչակազմը հայտարարություն է տարածել, որում ասվում է. «Պաղեստինյան ինքնավարության առաջնորդները թուրքական կառավարությանը տեղեկացրել են, որ մենք դեմ ենք նման այցին, քանի որ այն միայն կխորացնի պառակտումը պաղեստինցիների միջեւ»:

Ի դեպ, նախկինում Պաղեստինի ղեկավարությունը դեմ էր արտահայտվել նաեւ Կատարի էմիրի եւ Մալայզիայի վարչապետի այցերին: Մտավախություն ունեն, որ Գազայի հատված պաշտոնական այցերը կարող են օրինականացնել ՀԱՄԱՍ-ի իշխանությունը: