04 05 2024
|
||
---|---|---|
EUR | ⚊ | 416.1 |
GBP | ⚊ | 486.4 |
GEL | ⚊ | 144.64 |
RUB | ⚊ | 4.23 |
USD | ⚊ | 387.32 |
Իսրայելի վարչապետ Բենյամին Նեթանյահուն չորեքշաբթի երեկոյան հայտարարել է, որ Իսրայելի պաշտպանության բանակը (ՑԱԽԱԼ) պատրաստվում է մտնել Գազայի հատված, սակայն չի բացահայտել ծրագրվող գործողության ժամկետները, առանձնահատկություններն ու մասշտաբները:
«Մենք արդեն ոչնչացրել ենք հազարավոր ահաբեկիչների, և սա միայն սկիզբն է։ Միաժամանակ պատրաստվում ենք վերգետնյա մուտքին։ Ես չեմ մանրամասնի, թե երբ, ինչպես և ինչ մասշտաբներով, ինչպես նաև մի շարք նկատառումներ, որոնք մենք հաշվի ենք առնում, որոնց ճնշող մեծամասնությունն ընդհանրապես անհայտ է հանրությանը: Այդպես էլ պետք է լինի․.. հանուն մեր զինվորների կյանքը փրկելու», - հայտարարել է Նեթանյահուն ազգին ուղղված հեռուստաուղերձում։
Վարչապետը հավելել է, որ կառավարության և զինվորականների գլխավոր նպատակները շարունակում են մնալ ՀԱՄԱՍ-ի ենթակառուցվածքների ամբողջական վերացումը և առանց բացառության բոլոր պատանդների փրկությունը: