Ֆրանսիացի նկարիչը 4000 մաստակից քանդակ է ստեղծել

Ֆրանսիացի նկարիչ Ժերեմի Լաֆոնը բարդ երկրաչափությամբ, երկու մետր բարձրությամբ ու երեք մետր երկարությամբ քանդակ է ստեղծել` օգտագործելով ավելի քան 4000 մաստակ . հայտնում է Дни.ру-ն:

Քանդակի ստեղծման համար պահանջվել է մի քանի ամիս: Նկարչը նախ սեփական միջոցներով է «շինանյութ» գնել, հետո` նրան որոշել է հովանավորել մաստակ արտադրող մի ձեռնարկություն:

Լաֆոնի քանդակը ստեղծվել է նույն սկզբունքով, ինչ քարտային տնակները: Սակայն յուրահատուկ քանդակը երկար կյանք չի ունեցել. նկարիչը փորձել իր աշխատանքին ֆրուստրացիոն վիճակ հաղորդել և, երբ ցանկացել է մի քանի մաստակ հանել, կառույցն աստիճանաբար փլուզվել է` մարդկանց աչքի առաջ: