Զենք, զինամթերք ունե՞ք

«Ժառանգություն» կուսակցության համակիր, բլոգեր Իզաբելլա Աբգարյանը ֆեյսբուքյան իր էջում գրել է, որ երեկ` երեկոյան 9-ին, իր հայրիկին են այցելել ինչ-որ անձինք (ոստիկանության աշխատակիցներ կամ թաղային լիազորներ) ու հարցրել, թե տանը զենք կա՞:

Աբգարյանը պարզաբանել է, որ իր գրառման նպատակն այն, որ պարզի` «… կա՞ն մարդիկ, ում այս օրերին ոստիկանությունից (թաղային լիազոր) այցելել են և հարցրել, թե քանի՞ հոգի է բնակվում և արդյո՞ք տանը կա զենք-զինամթերք:… երեկոյան 9-ին այցելելով հայրիկիս՝ խեղճ մարդու շաքարն են բարձրացնում... Ուզում եմ պարզել սա համատարա՞ծ է, թե՞ միայն նրան են այցելել»:

Իզաբելլան իր վրդովմունքն է արտահայտում և գրում. «Ինձ ինչ ուզում են` անեն, հարազատներիս թող չանհանգստացնեն»: