Սահակաշվիլիի դեմ մահափորձ է ծրագրվում

Վրաստանի ազգային-ազատագրական շարժման առաջնորդներից մեկի` Իրակլի Ծերեթելիի տեղեկություններով` անվտանգության ծառայությունից հրաժարված Միխեիլ Սահակաշվիլիի դեմ մահափորձ է կազմակերպվում. տեղեկացնում է apsny.ge-ն` վկայակոչելով Версия թերթը:

«Իմ երկու ընկերներից, ովքեր այսօր Վրաստանում չեն բնակվում, ես տեղեկութուն եմ ստացել, որ Միխեիլ Սահակաշվիլիի դեմ ռուսական հատուկ ծառայությունների առաջադրանքով քրեական տարրերը ահաբեկչություն են կազմակերպում: Գործողությունը նաեւ անուն ունի` «Օձ», որի իրականացումը ծրագրվում է մինչեւ մայիսի 26-ը: Աղբյուրներից մեկը հատուկ ժամանել է Վրաստան` ինձ հետ հանդիպելու: Չեմ բացառում, որ այդ տեղեկությունը բլեֆ է, սակայն անհրաժեշտ եմ համարում բարձրաձայնել դրա մասին: Նախագահի ֆիզիկական ոչնչացումը լուրջ վնաս կհասցնի մեր երկրի վարկանիշին: Հնարավոր է` ահաբեկչության մասին տեղյակ լինի նաեւ Բիձինա Իվանիշվիլին, սակայն դա նրա շահերից չի բխում, քանի որ կատարվածում հենց նրան կմեղադրեն»,- ասել է Ծերեթելին: