''Ռեալ''-ը եզրափակիչում է

Իսպանիայի Արքայական գավաթի խաղարկության կիսաեզրափակիչում իրենց երկրորդ հանդիպումն անցկացրին Մադրիդի «Ռեալ»-ն ու կատալոնական «Բարսելոնա»-ն:

«Կամպ Նոու» մարզադաշտում կապտանռագույները ցավալի պարտություն տարան` 1:3 հաշվով: Կարծես, ամեն ինչ ճիշտ էր հաշվարկված սերուցքայինների գլխավոր մարզիչ Ժոզե Մոուրինիոյի կողմից: Անցյալի դասերը լավ սերտել էր:

Հանդիպման 13-րդ րոպեին Պիկեն խախտեց կանոնները սեփական տուգանային հրապարակում, և նշանակվեց 11 մ հարված, որն անվրեպ իրացրեց Կրիշտիանու Ռոնալդուն: Սակայն դա Ռոնալդուի վերջին գոլը չեղավ այդ հանդիպման ժամանակ:

57' Ռոնալդուն ձևակերպեց դուբլ:

Խաղի 68' Մեզութ Օզիլը իրացրեց նշաակված անկյունայինը, որը Վարանը եզրափակեց գոլով` 0:3:

Հիմնական ժամանակի համարյա վերջին` 89' Խորդի Ալբան խփեց տան տերերի հեղինակության գնդակը:

Հիշեցնենք, որ «Սանտիագո Բերնաբեու»-ում թիմերի առաջին հանդիպումը ավարտվել էր 1:1 հաշվով:

Այսպիսով` Արքիայական գավաթի եզրափակչում «Ռեալ»-ը կհանդիպի «Սևիլիա» - «Աթլետիկո Մադրիդ» զույգի հաղթողի հետ: