Ֆրանսիայի ազգային ասամբլեայում ադրբեջանցիները ծեծկռտուք են սարքել հայերի հետ

Երեկ Փարիզի Ազգային ասամբլեայում ադրբեջանցիները ծեծկռտուք են սարքել հայերի և ֆրանսիացի պատգամավորների հետ. հաղորդւոմ է АПА-ն:

Ազգային ասամբլեայում հայկական համայնքի ներկայացուցիչները մի քանի ֆրանսիացի պատգամավորների հետ միջոցառում էին կազմակերպել «Սումգայիթյան դեպքերից 25 տարի անց» խորագրով, որի ընթացքում ելույթ է ունեցել հայամետ պատգամավոր Ֆրանսուա Ռոշեբլոունը:

Ֆրանսիայում սովորող երկու ադրբեջանցի ուսանողներ, ներկայանալով միջոցառմանը, սկսել են բարբաջել` կրկնելով Խոջալուի դեպքրի` ադրբեջանական կողմի ստահոդ պատմությունները, հատկապես այն բանից հետո, երբ ներկաները մեկ րոպե լռությամբ հարգել են Սումգայիթում զոհված հայերի հիշատակը:

 Ըստ ադրբեջանական АПА գործակալության` ադրբեջանցի ուսանողները ոտքի չեն կանգնել և ասել են, թե իրենք «Խոջալուի զոհերի հիշատակը» միայն կհարգեն, ինչից հետո ծեծկռտուք է եղել նրանց, հայերի և ֆրանսիացի պատգամավորների միջև:

Դեպքի վայր են ժամանել շտապ օգնության աշխատակիցները, ովքեր առաջին օգնություն են ցուցաբերել տուժածներին: