Սուրեն Խաչատրյանի եղբորորդին ծեծկռտուք է սարքել Գորիսի կենտրոնում

Երեկ գիշերը` ժամը 23:30-24:00-ն ընկած ժամանակահատվածում, Գորիսի կենտրոնում վիճաբանություն է եղել Սյունիքի նախկին մարզպետ Սուրեն Խաչատրյանի եղբոր` Սեյրան Խաչատրյանի (Աղալարի) որդու` Էյներ Խաչատրյանի և ոմն Գոռի միջև. այս մասին տեղեկանում ենք ''Իրավունք'' կայքից:

Ըստ շրջանառվող լուրերի՝ եղել է նաև դանակահարություն: ՀՀ ոստիկանության լրատվական ծառայությունից կայքը տեղեկացել է, որ նշված ժամին, իրոք, Գորիսի կենտրոնում`«Դիանա» հյուրանոցի մոտ, վիճաբանություն է եղել երկու հարբած ընկերների միջև, ովքեր ծննդյան արարողությունից էին վերադառնում: Նշանակվել է դատաբժշկական փորձաքննություն, դեպքի կապակցությամբ նյութեր են նախապատրաստվում: